أنا قلبي نورس أصيل
عاشق تراب الكنال
والنسمة لو يوم تميل
ألقى الجمال والدلال
***
فيه ناس ولاد البلد
برجولة حارسينها
وبورسعيد للأبد
في القلب حاسّينها
***
عدت فلوكتي هنا
شقّت طريق ليّا
خالنا ومعاه عمّنا
من بدري في الميّة
***
بيصيدوا أجدع سمك
بلطي ودنيس ووقار
الحب هو الشبك
ما الصيد ده فن وكار
***
يا بورسعيد .. قصّتي
مكتوبة فوق الرمال
قالوا ولاد حتّتي :
عاشق تراب الكنال!
***
مع تحيات القبطان
موضوع: عاشق تراب الكنال 
السبت يوليو 26, 2008 6:04 pm
والفنان الأصيل .. 
هشام فرغلي
